غربه وحنين

غربه وحنين


غربه وحنين ..
وشوق لحضن يضمنا طول السنين ..
غربه وآلآم ..
وحزن يسرى جوه قلوبنا وسيب لنا ذكرى الانين ..
غربه ووداع ..
والم بيعصر قلبنا ولحظة فراق بطول سنين ..

والغربه لسه والحنين
والم وشوق طول السنين ..

نقول نحب ..
نحب مين ؟؟ وهو فين طول السنين ..
نخاف نحب ..
لننجرح .. والقلب مليان بالحنين ..

نرسم بزيف اشواق غريبه
اعيش حبيب علشان حبيه
واقول حبيبتى من الزمان
قصة غرام وافراح قريبه
واصحى ع الزيف والخداع
وتنتهى قصة حبيب كان له ف يوم قصة حبيبه ..

اقول صديق ..
اهو ف الطريق اجمل هديه .. هو الصديق
نمشى ف طريق نشيل همومنا
ونعيش فرحنا .. مهو فى الطريق هو الرفيق
وتكون خيانه من الصديق
ويكون الم ماله دواء لانه جى من ... صديق .

غربه وحنين ..
لسه السنين بتمر على قلبى انا ..
لسه الحياه بتقول
اضحك .. انا لسه مرتبه ..
ولسه الامل بيلاقى سكه
ويغر القلب بضحكة مجلجله ..
ولسه بستنى الصديق
لجل الطريق ..
ولسه بستنى الحبيب
ويكون قريب ويكون طبيب ..

والغربه لسه فى القلوب معششه
ملهاش حلول
وآلآم بتدمى القلب
من جمر الدموع
وسنين تعدى بتضوى
بالالم زى الشموع
واهى غربه وحنين

alex at 03/04/2008

ضمينى..

جيلك بمعاد ..

مشتاق للحب من بعد بعاد..

جيلك بمعاد ..

واكمن القلب فى بعدك ضايع فى سهاد..

جيلك مشتاق للحب ولضمه احساس

جيلك محتاج لحنان وللمسه بأمان

جيلك محتاجلك وحقيقى

ضمينى ..

مش قادر ابعد اكتر من كده وقت

مش قادر اسكت ولا قادر تانى على الكبت

ايوه بحبك وبمووت فيك

ايوه انا بعشق نظره فى عينك لمسه ايدك

بعشق حتى دموعك لما بتلمع جوه عنيك

وبقولك وحقيقى محتاجلك

ضمينى ..

ولامتى الوقت يعدى ما بنا واحنا بعاد

ولامتى وليه انا وانت نتعذب ببعاد

ولامتى القلب حيفضل يصرخ

يندهلك

ويتداوى جروحه بكلمه اصبر استحمل

بس انا مبقتش خلاص قادر استحمل

وبجد وتانى حقولهاك محتاجلك

ضمينى ..

وف ثانيه السكه بتتبدل

بحاول اقولها ومش قادر
بحاول ابين افراحى
بحاول ادارى وجويا
كلام كان ليها ومات ساكت

يمكن احلام ومعاها كانت تتحقق
يمكن ايام وياها كانت تبقى اجمل
لكن مكتوب ان احنا نعيش وف ثانيه السكه بتتبدل

كانت قصتها وكانها مكتوبه
كانت حلوتها انها مكنتش محسوبه
كان حلم جديد لسه بينور فى سمايا

يمكن احلام ومعاها كانت تتحقق
يمكن ايام وياها كانت تبقى اجمل
لكن مكتوب ان احنا نعيش وف ثانيه السكه بتتبدل

انا لما لقيت احساس بيخودنى وبيقرب
انا لما لقيت جويا شعور فعلا حسه ومستغرب
انا قولت ياريت يكون هو الاحساس اللى منه انا بهرب

يمكن احلام ومعاها كانت تتحقق
يمكن ايام وياها كانت تبقى اجمل
لكن مكتوب ان احنا نعيش وف ثانيه السكه بتتبدل

بس الاحلام اجمل من انها تستنى
بس الايام اسرع وعمرها ما تخلينا نتئانى
جايز حيكون البعد غريب عنى وجايز حيكون مؤلم
بس انا حاسس انها طيره بفرحه كبيره نفسها تتحقق

يمكن احلام ومعاها كانت تتحقق
يمكن ايام وياها كانت تبقى اجمل
لكن مكتوب ان احنا نعيش وف ثانيه السكه بتتبدل

انا عندى اهم انها حتكون فى حيتها مبسوطه
انا عندى اهم انها عايشه الفرحه كبيره
واكيد حنلاقى فيوم حد يكون اقرب
منها ويكون لينا قريب

يمكن احلام ومعاها كانت تتحقق
يمكن ايام وياها كانت تبقى اجمل
لكن مكتوب ان احنا نعيش وف ثانيه السكه بتتبدل

*-*-*-*-*-*-*-*

شكرا ليك لانك فوقتينى بجد

وفى وقت الكل كان فيه بيشجع من غير تفكير

23/2/2007

A.H

... لما بعدتى

لما بعدتى وف اول كلام اتشتت احلامى ليييه

ليه لما بعدتى وف اول سهر اتغربت ايامى ليييه

وليه بدوب م الشوق وانا حيران حزيين

وليه بحس بوحدتى بتذيد سنيين

احساس غريب بيملالى السما

اطنان غيووووم

والنجم غاب

وسط السحاب

ووسط كل العتمه دى تااااه الطريييق

تاه الطرييق

مخنوق ووسط العتمه دى طيرى ابتعد

ومدبوح من الايام ومن كتر الضلام قلبى ارتعب

يرضيكى اتوه وف الايام اروح وابعد بعيييد

مش دى نهايه قصة بينا لا دى لسه بتبتدى

مش دى ختمة الحدوته لا دى لسه بنهتدى

حتروحى اخر حته برضه حترجعى

او نلعن الايام ونقتل حاجه بينا بتتولد

ونروح بعيد

..حتصدقينى

حتصدقينى لما اقولك بعشقك وبدوب من لون عنيك ..
حتصدقينى لما اقولك توحشنى صورتك صوتك لمسة ايديك ..
حتصدقينى لما اقولك انى شوفت الكون ده كله لما يوم السعد جه والتقيتك ..

حتصدقينى ..

حتصدقى رعشة اديا لما شوفتك وانت جيه بعيد
حتصدقى دمعة فى عنيا من فرت ودقه فى قلبى السعيد
حتصدى شوقى اللى ما اقدر احوشه لماافكر انت جنبى ولا انت لسه قلبك بعيد

حتصدقينى ..

طب حتى شوفى حالى لما بتبعدى
طب حتى شوفى قلبى يبكى ازاى ولما بترجعى
طب حتى شوفى نجمة لاياليا اللى ما بيهنالها نوم لما تقولى حترحلى

حتصدقينى ..

كل اللى حلتى كلام بقوله يمكن حيوصل والاكيد ماحتسمعيش
كل اللى حتلى حروف صغيره تنسج سوا توب من الحب والشوق والغرام والاكيد ماحتشوفيش
كل اللى حيلتى قلبى لسه بيعشقك مستنى منك بس كلمه اصدقك لكنك انت وفى الاكيد ما حتصدقيش

لكنى كل اللى املكه قلبى
وكل اللى اوهبه حبى
وكل اللى حقدر اعمله عشقك بجد

حتصدقينى ..

... ملناش نصيب

..اصله اتضح ملناش نصيب

..وانتهت احلامى بيك وبالحياه

..اصله اتضح ملناش نصيب

..وحتى كل يوم جميل وف احلى صوره عشنا معاه

..ملناش نصيب

..ملناش لقى بعد الفراق دى سكه واحده اتفرقت

..ملناش كلام بعد السلام سكت اللسان والمر فى الحلق اتبلع

..ملناش جديد بعد النهايه كل الجديد اللى نويته راح فى الهوى

..ملناش نصيب

..قمر الليله دى ماله غايب وسط السحاب

..نور النهار ماله بيوزع شجن باهت حزين

..حتى الغروب اللى بيسحر قلبى ليه انهرده زى الحجر

..وتقله فى القلب اتحدف

..ملناش نصيب

..كل ليالى الحب بادينا انتهت

..حتى قبل ما نبتدى حبى انتهى

..كل ليلى الحزن اهى ابتدت

..والحلم مات من سكات وانطفى نور الامل

.. حتى الوداع اصبح امل

..لانه شال وبين اديه اخر لحظة لقى

..ملناش نصيب

..خلص الكلام والفرح نام والجرح هو اللى صحى

..خلص السكوت وحنين يموت وتموت معاه سطور قصتى

..اخر نظره بعيونى ملياها الدموع

..والدمع يحرق معاه خيوط القلوب

..زى عروسة الماريونيت اتقطعت كل الخيوط

..واتفرقت بينا السكك

..اصله اتضح ملناش نصيب

..انا بس خايف عليك من طول السكك

..مهو اصل قلبى بيعشقك

.. وما يقدر يوم انه يصرخ يندهك

..روحتى انت خلاص وسط الطريق

..واتسحبت من بين اديه

..مهو بعد حب اليم كبير رغم ان وقته مش كتير

..وبعد عشقى للحياه فى لون ضحكتك

..اصله اتضح ملناش نصيب

.. رسمتك

رسمتك
--------
رسمتك رسمه من بالى ..
رسمتك جنه فى خيالى ..
رسمتك نجمه فى الاسفار ..
رسمتك بسمة الاطفال ..
رسمتك اغلى امانيا ..
رسمتك ..
شعرك الاسود بيرسم ضل لياليا .
رسمتك ..
سنك الابيض بيلمع كلنجوم ليا .
رسمتك ..
بسمتك تضوى تضيع منها همومى وقسوة الترحال .
عيونك هى بحر غويط اغوص القى الدفه والحب .
وقلبك هو مرسى بعيد هناك ارسى ويرسى القلب .
وحبى ليك يذيد يذيد ومقدر ارسى اى وعود .
يا احلى حبيب خلانى ايش الفرحه حقيقية .

رسمتك ..
نجمة الاسفار
اتوه لو غابت فى لياليا .
رسمتك ..
ضله فى صحارى
تضلل ضل حنية .
رسمتك ..
قلبك النادى
بينده لى فى عتمة المشوار .
رسمتك ..
وانت حوليا
برقة حب تنسينى قسوة الايام .

يااغلى حبيب خلانى اعيش الفرحه حقيقية