بسم الله الرحمن الرحيم
وفى اول تجربه ليا فى التدوين ..
مش عارف مستغرب جدا الفكره , ليه حاسس انى زى اللى بيزعق فى حته مقطوعه
هو النت مش حته مقطوعه اووى يعنى بس مؤقتا عوقبال ما يبقى حد يجى عتدى غلط
محدش حيشوف الكلام ده اكتر من اللى كاتبه
بس هى الفكره ان لازم الواحد يطلع كلام من جواه , ان شاله محدش سمعه
ولو حتى مكنش ليه اى قيمه
ودى بداية لفكرتى
معانى كتير جوه كل انسان , منها المفيد ومنها المهم , بس بيغلب ساعات معانى
ممكن متكونش ذات اهميه , انا شايف حاجه وانت شايف الحاجه دى بنحيه تانيه خالص
مش مهم ميين فينا صح او غلط بس المهم , المهم يبقى فى تفاهم واحترام
الانسان بيلاحظ الحكايه دى فى نفسه , يعنى اللى كان مهم جدا ليك من 3 سنين
احتمال انه يبقى مهم ليك الايام دى ضعيف جدا وهكذا اللى مهم دلوقتى , مش مهم بكره
يعنى الهدف من الفلسفه دى انه لازم نحترم افكار الغير, حتى لو مختلف معانا فى الرائى
لازم اقدر اى عمل فكرى مش بالاعجاب او الانبهار , بس على الاقل مساخرش منه
وده معنى نفتقده جدا فى المجتمع اللى عايشين فيه الايام دى
No comments:
Post a Comment