وسط السكون .. صمت الحروف بيبان صدى وسط السكون
جبن الكلام .. رغم السكوت بيبان كانه الرعد لما بينفجر
جوه العيون .. الصرخه تدوى فى الجبان
بيبان كانه طير ذبيح وسط الصقور
جوه العيون .. الخوف من الظالم ومن مر السكوت
والخوف يذيد لما العصايا بتترفع وعلى معنى الكلام السوط بيفرض سطوته
خايف تقول .. يعنى الخوف حيسكت الاحساس وغمز العيون
ولا الكلام هو اللى بيقتل اللى قدر على كسر السكوت
اصرخ وقول .. واعلن للسكون ان الحياه تقدر ولاخر مدى تتحدى الالم
تبقى الحروف فى الخوف الوف .. وف ساعة الكلام تبقى سيوف
العمر مش حيذيد .. الرب ضامن جنتك لو مكتوبلك الخير
والرزق ربك ضامنه ليك لو حتى بالتقطير
يبقى السكوت من مخلوق والخوف كبير
والرب اكبر من كل ده و ف ايده كل الخير
No comments:
Post a Comment