مالك يا قلبى حيران .. محتار ليه وحاسس انك مخنوق
بتحلم حلم جديد وناوى تتعبنى معاك .. ولا الاحلام وحشتك وبدائت توجعك الذكريات
مش كنا اتفقنا اننا نسى كل الذكريات .. ولا انت غاوى التعب والالم زى كل اللى فات
بتتحرك ليه فى مكانك هو بقى ليك سجن .. ما انت قبل كده كنت مبسوط انك معزول
فاكر لما كنت بتحلم وتجرى وتطير
فاكر مين جرحك وميين مقدرش وميين مرحمش
فاكر هروبك وقسوتك وظلمك
عمرى ماتخيلت انك كنت قاسى كده
فاكر ندمك وفاكر لما قولت خلينى جوه وابعد
ولا لما حسيت بالنور من جديد ولقيت نورك عتمه
ولما لقيت الاحلام تقدر تكون ظالمه
مالك تايه ياقلبى ..
بعيد بعيد بعيد .. بعيد لحد ما تهت منى خلاص
ماشى ومش عارف على فيين اخر طريقك الطويل
اهو انت كده مش راضى تحسس حد مالك حتى انا
خايف ولا ده طبيعتك ولا انا مبقتش قادر افهمك تانى
كلمنى ولا حتى فهمنى اييه اللى جرالك دلوقتى
No comments:
Post a Comment